June 4th, 2002

nova

Chuck vizitas Montrealon.

Nu, cxi-semajnfine mi havis belan tempon en Montrealo, Kebekio, Kanado. Kiam mi iris tien, ni unue renkontis kun la lokaj esperantistoj kaj ludis pendumulon. Mi renkontis kelkajn homojn kiujn mi nur konis rete gxis tiam. Tio certe estis bela sperto!

Sabate, Argilo kaj mi vekigxis malfrue kaj cxiuj mokis nin pro tio, sed malgraux tio, ni promenis kun cxiuj tra la urbo (Argilo speciale sxatas mian prononcon de "urbo", cxu ne, Argilo?) kaj vidis kelkajn vidindajxojn.

Dimancxe, ni denove vekigxis malfrue kaj tial ne renkontis la grupon gxis 14:00. Ni matenmangxis kaj mi demandis al la kelnerino, "Parlez vous anglais?" kaj sxi auxdis "...lait?" kaj foriris. Poste mi lernis ke "lait" signifas "lakto" kaj mi ricevis glason de lakto! Hmmm... nu, mi gxuis la lakton tiu-matene. :-) Ni promenetis tra la urbo kaj ludis Skrablon sur lia Palm Pilot. Post tio, mi acxetis kompilan diskon de muziko kaj foriris.

Lunde, mi iris al Novjorko por akiri mian vizon kaj mi atendadegis! Matene, mi atendis kaj posttagmeze mi atendis! Grrr... sed finfine, mi akiris mian vizon por vojagxi al Brazilo! Bonege! Mi tagmangxis kun mia amiko Kevin (kiu sxoforis min al Montrealo de Novjorko, dankon Kevin!) cxe Maggie's sur Wall Street (Muro-Strato). Poste, mi iris al la New-York Historical Society (Novjorka Historia Societo) por vidi tabulludojn, sed kiam mi alvenis, ili diris al mi ke gxi estis fermata cxiu-lunde. Fi!

Word of the day: milk = lakto (en Esperanto) = lait (en la franca)